“НУБИЭ” ХХК-ийн “Хэрэглэгчдэд үйлчлэх зөвлөл”-ийн тайлангийн хурал 2023 оны 01 дүгээр сарын 11-ний өдөр зохион байгуулагдлаа. Тус хурлаар “Чингис хаан” Олон улсын нисэх буудлаар үйлчлүүлэгчдийн сэтгэл ханамжийг дээшлүүлэх, үйлчилгээний чанарыг сайжруулах зорилгоор зорчигч үйлчлүүлэгчдэд тулгамдсан асуудал, хэрэгжүүлсэн арга хэмжээ, цаашид авч хэрэгжүүлэх үйл ажиллагааны төлөвлөгөөг хэлэлцлээ.

Хөшгийн Хөндий дэх “Чингис хаан” Олон улсын нисэх буудал 2021 оны 07 дугаар сарын 04-ний өдөр үйл ажиллагаагаа эхлүүлснээс хойш олон улс болон орон нутгийн чиглэлд нийт 12,155 нислэг үйлдэгдэж, 1,062,423 зорчигч хүлээн авсан ба үүнээс 2022 онд олон улсын чиглэлд 5,211 нислэг, орон нутгийн чиглэлд 4,288 нислэг үйлдэгдэж, нийт 9,499 нислэг,  954,570 зорчигч хүлээн авсан амжилттай байна.

МИАТ компани Герман улсын Берлин хотын нислэгээ 2020 оны 3-р сараас зогсоож, Франкфурт руу шууд нисэж байна. МИАТ тус хот руу өвлийн улиралд долоо хоног бүрийн Лхагва, Бямба гарагт, аялал жуулчлалын улиралд долоо хоногт 6 удаа буюу Пүрэвээс бусад гарагт шууд нисдэг. Франкфурт чиглэлийн тийзний 2 талын үнэ 2,508,000 төгрөгөөс эхэлж байна.